
“مش عارف أفكر أنا قلقان جدًا” من ضمن أشهر الكلمات اللي بتتقال بشكل مستمر على لسانا في المدار اليومي، ويختلف شعور القلق من شخص لشخص، ومن موقف لموقف فأحياناً نسبة القلق بتسيطر على حالة الشخص وبيحتاج إلى تتدخل طبي لمعالجتها.
هنتكلم من خلال ” راديو الجامعة” عن ما هو القلق؟ وازاي ممكن يتحول إلى مرض مزمن؟ و أهم الخطوات للتخفيف من شدة التوتر؟.
ما هو القلق؟
ايه هو القلق هو عبارة عن شوية هرمونات بتطلع من الجسم لما بتكون ف حالة غير مستقرة نفسية زي امتحانات، مشاكل في الشغل، ارتفاع الأسعار بشكل مفاجئ، خوف من الفراق، وهنا قالوا العلماء والدكاترة أن الهرمونات دي هي “ادرينالين وكورتيزول”، بيكون الكورتيزول هو اليد العليا اللي بيرفع الضغط وبيعلي السكر ويعمل صداع عشان كده بنلاقي الناس لما بتتوتر ممكن ضغطها يعلي او سكرها او تصدع وبالنسبة للادرينالين يلعب علي القلب يرفع ضرباته وممكن تدخل في حالة panic وضيق تنفس .
نيجي عند جزئية نسبة التوتر عند البنات اللي دائماً شايفين أن البنات اكثر فئه معرضة للقلق وعلى طول قلقانين والسبب انهم بيمروا بفترات تغيير هرمونات كثيرة في مدار حياتهم ” ابتداء من البلوغ وتغير هرموناتها ومتلازمة ما قبل (PMS ) الفترات دي بتكون نسبة ارتفاع القلق في الهرمونات وبيزيد نسبة التوتر وطبعاً الآلام الجسدية عندها لحد الحمل والولادة واكتئاب مابعد الولادة لكن في العموم كل الحاجات الخاصة بالهرمونات لا تحتاج للعلاج وبتروح بمجرد نوبة القلق ما بتعدي.
ازاي ممكن يتحول لمرض مزمن ؟
قالك أن إستقبال الناس للأحداث مختلف وكيميا المخ بتتعامل في كل شخص بطريقة مختلفة، وفي جزء في المخ اسمه Amygdala أو اللوزه في المخ بتكون مسؤولة عن احساسك من فرح وحزن يعني سواء ايجابي أو سلبي وكمان الخوف والأمان ومعظم المشاعر بمجرد حدوث الفعل وبيختلف رد الفعل أو نسبة القلق من شخص لشخص حسب نوعية الشخص، وفي بعض الأحيان بتوصل نسبة التوتر والقلق إلى حدوث خلل في الإشارات اللي واصله منها للجسم وهنا بيحتاج الشخص إلى تدخل طبي.
أهم الخطوات للتخفيف من شدة التوتر؟
– تحديد الأحداث والمشاكل الذي تسبب التوتر ومحاولة حلها.
– تبديل الأفكار السلبية بالأفكار الإيجابية، وعدم تحميل النفس فوق طاقتها.
– تناول الأطعمة الصحية االتي ترفع من كفاءة الجهاز المناعي وتحسّن المزاج.
– ممارسة التمارين الرياضية مثل رياضة المشي من 15 إلى 20 دقيقة يوميًا ثلاث مرات أسبوعيًا.
– التقليل من الكافيين خلال اليوم.
– تجنب الإفراط باستخدام الهاتف أو مشاهدة التلفاز ليلًا للتخفيف من التوتر والمساعدة على النوم بسهولة.
– ممارسة تمارين التنفس العميق وجلسات التدليك، التي تقلل من تسارع ضربات القلب وتساعد على الاسترخاء.
– ممارسة الأنشطة اللي بتعمل على تخفف من التوتر
مثل قراءة الكتب أو التنزه، أو الاستماع للموسيقى.